Mamiin’hiichashuuch
Chii waayaapimaaknuuwich iiskwaauch maauuch aa kischihuuch kiyah naashch aa chischaayihtich Aniyah aa iishmaatuuwaanuuwiich chaachii kiniwaapimaach uuyah maatuuwaasuuh uut Canada. anitah maak kiti iispiihaauch aniiyah iishkwaash chaa maatuuwaayich Boston mishiimuukimaan istchiich.
John Chabot
Maamiin'h'wiichau-uuchimau
Ashkumuppun, muuchinakuu matuwashuu kiya inya uuwayuu takashtapiih'taych, wash nashta miyuwayih'takushuu, niikanayih'takushuu kiya nashta kishchihuu aa miyuuapitshtat iiyimuuwinniiu. Wii niikanshkum uuya n'wakuniich, kiya wii muush chii maamiin'h'wiichaw Hit The Ice ka iishpsh chitshtakinuwiich.
John uu kishchihuun aa miih'k'wach'hat matuwashuu, akuut wah'chipiiyich muush aa chii matuwat kiya a chii apitshiishtik hockey. Ka matuwashiiut, uushta niyaywa mitah'tumtinuu chii matuwau NHL. Montreal Canadiens, Detroir Red Wings kiya Pittsburgh Penguins chii matuwamau. Uushta kiya nishtwa mitah'tumtinuu chii matuwau in'tah Europe. Aa maamiin'h'wiichat wii, chii uuch tatshkuwau uuchimau inta New York Islanders, kiya nawsh chii maamiin'h'wiichau in'tah QMJHL (Acadie-Bathurst Titans kiya Gatineau Olympiques). Mih'takushuu Kitigan Zibi aa uh'chiit in'tah Quebec, kiya muush pikuwayih'tim cha apitshiishtuwat inya mawch iyak'watshiich Iiyuu-matuwashuu mishtashkimch uut Canada inuch napiniich.
Nashuushkuunan