Mamiin’hiichashuuch
Chii waayaapimaaknuuwich iiskwaauch maauuch aa kischihuuch kiyah naashch aa chischaayihtich Aniyah aa iishmaatuuwaanuuwiich chaachii kiniwaapimaach uuyah maatuuwaasuuh uut Canada. anitah maak kiti iispiihaauch aniiyah iishkwaash chaa maatuuwaayich Boston mishiimuukimaan istchiich.
Daniel Frawley
Uuchimau mamin’huichashuu wach tatshkuwat
KA MATUWAT
Chicago Blackhawks, Pittsburg Penguins
KA MATUWAMAT
Rochester Americans
Dan Frawley nashta shuuk chii apitshiiu niikanch aa matuwat kiya nawsh chii matuwau uuch aka uuch puunayaytik kiya aa chii inshkut. Uuya mak a niishiniich chakuwayu chii wiich’hiiku cha chii niikanshiit a matuwat 300 tih’tua ka matuwat NHL ishipachuutauch 1980. Frawley muush wii mauch chii mishtapitshiiu muk taniiya uuwayu miyatuwamat. Dan “Frawls” Frawley aayuk muush ka iishitshchaymakinut aa chii iitshkatchat. Sturgeon Falls chii iiyuu inta Ontario. Frawley junior chii matuwamau Sudbury Wolves kiya Cornwall Royals inta OHA. Frawley 204 chii uutiniku ka uushkapiinanuwich Chicago Black Hawks 1980 ka uushkapiinanuwiich aa utinamakinuwiich uushchiniichu. 1985 chii utashkuniku Pittsburgh Penguins. Nauw-uuppun chii matuwamau Pens. Dan chak wii chii wiihakinu cha niikanshkuwat Penguins 1987, amuya uuch ashuu miiyat chak Mario Lemieux, wawach uuch aa chii ushikushik aka uuch chii matuwat. 1989, Frawls miin chii matuwau AHL, Rochester Americans chii matuwamau, ka uut’hich 1996 Calder Cup. Akut tshchua ka puunita matuwat 1998. 2003 mak ka iishpiiyich, Dan chii piih’tashin’huakinu Rochester Americans Hall Of Fame. Dan makuach uushchiniichu apitshiishtuwau aa matuwaych inta Chisasibi, Quebec.
Nashuushkuunan