Marc Methot

Uutach miyatuwat, Ottawa Senators, #3

Mark Methot June 21, 1985 chii iiyuu, kiya akut ka uupintauchit Ottawa, Ontario. Major Junior chii matuwamau London Knights inta OHL 2002 p’him 2005. Chii wiichawau ushkich mauch ka uut’himiich Memorial Cup 2005 ka kuuch’hach Sydney Crosby kiya Rimouski Oceanic. Ka uushkapiinanuwiich uushchiniichu aa utinimakinuwiich, 168 chii uutinakinu. Methot, Columbus Blue Jackets chii wiichawau uushkich ka matuwat NHL 2006. Kiya muush chii apitsh’hakinu uutach a matuwat 2008. July 2011, chii mishin’huakinu miin nauw-uuppun cha matuat. Methot ashtitit kiya aa tshipiit, nashta chii wiich’hiiwapiiyu Team Canada ka matuwamat 2011-2012 World Championships. Ka niipiniich 2012, Methot chii ashupitshtinakinu inta Ottawa Senators. 2012-2013 ka matuwach, Norris Trophy ka uut’himiich Erik Karlsson chii matuwamau uutach a matuwach, Methot wii chii miyakinu tshchua uutach cha matuwat ka ushik’hiimakinuwiich uu wiichawakin. Methot ka ishpsh inshkut, chii wiich’hiiwapiiyu Senators ka chiish matuwach, wiiwau mauch aka uuch piih’chipitikinuwiich aa kuuch’hakinuwich. Ahakuatshiit uutach a matuwat, chii wiishamakinu ka uush’hiimakinuwiich Canada Olympic matuwashu ka niipiniich 2013. Methot tshtaymakinu a matuwamakinut kiya nashta nikanaytakushu. Marc chashtina nim chishchaymakinu tan ashpsh akuatshiit, kach mak a nukih’tat uu kishchihun uutach a matuwat, kya nimuwii michatwa pishikuwiitu miyatuwanuwiich.