Maxime Talbot

Niikanch miyatuwat, Colorado Avalanche, #25

Lemoyne, Quebec uuchiiu Maxime Talbot kiya February 11, 1985 chii iiyuu. QMJHL ka matuwat, wii chii uutinakinuu cha niikanshkuat Hull Olympiques 2002-2003. Talbot yapich chii niikanshkuwau Hull/Gatineau Olympiques nishwa ka uut’himiich President’s Cup kiya Guy Lafleur Trophy chii uut’him wii mauch aa chii akuatshiiu-chaymakinut tapshkun ka puupiniich. Amuya uuch chitshtakinuwuch 2004-05 NHL a matuwanuch, Talbot Pittsburgh Penguins chii uutashkuniku, kiya tiiwach chii matuuhakinu 2005. Misthii chii apitsh’hakinu aa tikuashich kiyatshtinakinuutua. Talbot nashta akuatshiiu natuwaytakushit cha akuatshiit. 2008 Conference Finals ka kuuch’hach Philadelphia Flyers, Talbot wii chii piichipitim ka kishchihuch nishtwa a mushashkupiinanuwiich nishwa ka matuwach. Niyaywa ka matuwach 2008 Stanley Cup Finals, Detroit Red Wings ka kuuch’hach, wii chii piih’chipitim ka miinuch 35 seconds a iishpshinakuniich. Ittu mak chii tshtimawinniu 2009 Talbot nishwa ka piichipitik Penguins nishuwasch tih’tua ka matuwach ka ituut’chich Stanley Cup. 2011, Maxime Talbot Philadelphia Flyers chii uutashkuniku, kati mak’huat inya washkich uu wiichawakin 2012 ka wiiwiiwuap’huutunanuwiich. March piishum chii natuwapiiyu uushkat Talbot, nim uuch chii matuwau miishkuch 2012-2013. November piishum 2013, Talbot chii mishkuchipitshtiniku Flyers inta Colorado Avalanche iitacha, kiya akut wa nuuk’hut miin a tikuashinanuwiich aa matuwanuwiich. Ayuutshiiu a matuwat kiya nashta nuukuniyu aa inshkut, kiya a niikanshiit.