Sudsie Maharaj

Ka chipshkimiich ka maamiin'huat

Sudarshan Maharaj, Sudsie ka iishinkatakinuut, ka chipshkimiich maamiin'huwau inta Anaheim Ducks ayih'taych. Maharaj, ayukun kiya ka apitshiishtuwat New York Rangers, New York Islanders kiya Phoenix Coyotes. Trinidad uuh'chiiu, muk mak Canada chii iish ah'tuchau kituwashch ka ih'tuppunuashit. Tiiwach chii shatshtau hockey. Ka uuh'pinih'tauchit, chi chipshkum kiya wii miyatuwatau uuwashich, kiya chii kishchihuu atuwii. Sudsie, Europe chii matuwau inta Swedish League iitah'cha kituashch tih'tuuppun. Ka pach chiiwat mak Canada, chii intuu maamiin'huichau, chii wiich'hau matuwashuu aa uush'hiishuych, kiya chii nantuwapimau matuwashuu. Inuch mak, akut ashtipit Hockey Canada's Goaltending Curriculum Writing Team. Sudsie, wii kiya chii waypiih'tau Goaltending Scouting Services. Akunch ka intuchishchaymach uushchiniitshuu ka chipshkimiich, cha chii uutinakinuwich inta National Hockey League. Inya mak ka maamiin'huat tshchuwa ka chipshkimiich, ayuk ataymikut wii mauch aa kishchihuut inya aytapitshiit.