MANTAU MAAMIIN'H'WIICHASHUUCH
Ashikumuppun, Hit The Ice wiishamawch mantau maamin'h'wiichashuu, NHL matuwashuu kiya, cha chii nitshkuwach uuya matuwashuu, kiya cha chii tipachumshtuwach wiiwau tantah kah'tich wach chii natich ka iishpaych matuwawinniuu. Ashikw mak ah'tinanuuch, nashta miyuwayih'tumch matuwashuuch ashikumuppun, kiya nanakich'hiiwashuuch.
Calvin Pickard
Calvin Pickard April 15, 1992 chii iiyuu, makwach Vegas Golden Knights matuwamau.
Pickard, Colorado Avalanche chii uutinikuu niishwa ka pimpiinanuwiich, (Namtinuu-paykushtawshap chiih'taw) 2010 kaa iitshtaych iischiiu-itshtashuuniyuu kaa uutinakinuwich NHL matuwashuuch. Uushtash, Chet, chipshkimiyuu, niishtim ka pimpiinanuwiich 2008 chii uutinammakinuuyuu Nashville Predators ayih'taych.
Ka ap'hiishtaych cha chii uutashkunakinuut, Pickard Avalanche chii uutashkunikuu, niishuuppun chii mishin'huushuu July 5, 2016. Niishw million chii tip'himuwakinuu. Niishtim ka matuwat NHL 2016-17, Pickard chii miyakinuu chaa uuch tatshkuwat ka chipshkimiich, muk mak, ka uushikuhiimmakinuwiich Varlamov, Pickard tiiwach chii miyakinuu cha matuwat. Niyayumtinuu tih'twa chii matuwau, kiya wii chii niikanshiiu aa chipchihat puck, aka muush uuch piichipitikinuwiich kiya aa chii kishchihuut.
Nashuushkuunan