Dwight King

Matuwashuu, Los Angeles Kings

King akut ka uutinakinuut 109 tih’tua ka pimpiinanuwiich 2007 NHL Entry Draft, kiya ayuuk ka uutinikut Los Angeles Kings. King mak, akut tshchua ka matuwat 2009-10 ka matuwanuwiich. 20 tih’twa chii matuwau inta ECHL, Ontario Reign chii wiichawau. Miin mak ka matuwat a wiiwiiwuap’huutunanuwiich. Ayuukun ka wiich’hat Kings ka apitshiishtakuch inta American Hockey League, Manchester Monarchs ka iishinkashuuych. November-piishum mak 17 ka ih’tuchiishikuwashiich, 2010 ishchiiu-itshtashuuniu akut niishtim ka matuwat NHL ka matuwamat Kings ka kuuch’haych Columbus Blue Jackets. February-piishum mak 12 ka ih’tuchiishikuwashiich, 2012, akut niishtim ka piichipitik NHL Dallas Stars ka kuuch’hach. Niyaywa mak chii piichipitim kiya nishtwa chii wiich’hiiwau makuach ka wiiwiiwuap’huutunanuwiich 2012 Stanley Cup Playoffs, kiya akut mauch niishtim a pishchiyachach Kings, kiya chii uut’humch Stanley Cup. Niishw-uppun mak iishipatima, miin chii uut’hum Stanley Cup Kings ka mak’huach New York Rangers.