Maxime Talbot

Niikanch, Philadelphia Flyers #27

Maxime Talbot Lemoyne, Quebec uuh'chiiu kiya February 11, 1984 chii iiyuu. QMJHL ka matuwat, wii chii uutinakinuu cha niikanshkuat Hull Olympiques 2002-2003. Talbod chii niikanshkuwaau Hull/Gatineau Olympics nishwa anshcha a chii pih'kutach President's Cup ayuu a chii pih'kutat Guy Lafleur Trophy wii mauch a chii iishpaytakushit a matuwat. Amuya uuch chitshtakinuuch NHL 2004-05 Talbot chii uutinikuu Pittsburgh Penguins kiya tiiwach chii matuuhakinuu 2005, tiiwach mak chii intuwaytakushuu ka katshtinakinuutaau. Talbot akuatshiiu mashu wa miinuunanuwiich. Aa wiiwiiwap'huutunanuuwiich 2008 Conference Finals ka kuuch'hach Philidelphia Flyers, Talbot ka pichipitih'k chii kishchihuuch makuach nishtwa a muushashkupiinanuwiich a matuwach. Miin mak 5 ka matuwanuuch 2008 Stanley Cup a wii pih'kutakinuuch ka kuuch'hach Detroit Red Wings, chii minupiitaau ka piih'chipitik 35 seconds ka iishpishinakuniich. Mauch mak ka tshtaytakinuwiich, Talbot wii nishwa chii piichipitim Penguins 7 tih'tua ka matuwach kat pikuh'tach nishtwa Stanley Cup. 2011, Maxime Talbot chii mishin'huushuu Philadelphia Flyers ah'taych kati wiiwiiwap'huat washkich uu wiichawakin 2012. Talbot nashta chikayaytakushuu niikanch a matuwat. Mih'chaniyuu uu kishchihuu kiya nashta nuukih'tau uu chishuwaytimuun a matuwat kiya niikanshiiu.